Elena Rybakına Rım jarysynyń ekinshi aınalymyna ótti
Qazaqstandyq tennısshi alǵashqy aınalymda irikteý saıystary jeńimpazdarynyń biri, dúnıejúzilik reıtıngte 146-orynda turǵan 19 jastaǵy reseılik Elına Avanesıanmen sheberlik baıqasty.
Birinshi partııada esep 4:4 bolǵan mezette E. Rybakına tórtinshi breıkke qol jetkizip, sosyn óz geımin de aldy – 6:4.
Ekinshi sette esep 5:3 bolǵan kezde dop bergen E. Avanesıan óz múmkindigin paıdalana almady. Budan keıin qatarynan úsh geımdi alǵan E. Rybakına matchqa dop bergen sátti múlt jiberdi – 6:6. Degenmen, taı-breıkte Elena qarsylasyna birde-bir upaı bergen joq – 7:6 (7:0).
Bir saǵat 50 mınýtqa sozylǵan match barysynda qazaqstandyq sportshy 2 eıspen birge 10 breık-poınttyń altaýyn paıdalandy. Qarsylasy 5 breıkpen (11 breık-poınt) erekshelendi.
E. Rybakına júlde qory 2,5 mln eýrodan asatyn jarystyń úshinshi aınalymyna shyǵý úshin reıtıngte 102-satydaǵy amerıkalyq Loren Devıspen talasady.
Negizgi týrnırge irikteý saıystarynan qosylǵan L. Devıs alǵashqy aınalymda álemniń 13-raketkasy, 2017 jylǵy Rolan Garros dodasynyń jeńimpazy, latvııalyq Elena Ostapenkony 6:2, 6:3 esebimen joldan taıdyrdy.
Eske sala keteıik, budan buryn ıÝlııa Pýtıntsevanyń Rım týrnıriniń ekinshi aınalymyna shyqqanyn, Andreı Golýbevtiń Rım masters jarysyn sátti bastaǵanyn jazǵan bolatynbyz.