Elena Rybakına resmı túrde álemniń tórtinshi raketkasy boldy

ASTANA. QazAqparat – Áıelder tennısi qaýymdastyǵy (WTA) jańartylǵan reıtıngti jarııa etti, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Elena Rybakına Rımde WTA 1000 týrnıriniń jeńimpazy atanýy nátıjesinde 6-dan tórtinshi orynǵa kóterildi.

Qazaqstandyq tennısshini úshinshi satydaǵy amerıkalyq Djessıka Pegýladan nebári 115 upaı ǵana bólip tur.

Qazaqstannyń juptyq syndaǵy birinshi raketkasy Anna Danılına 26-dan 24-ke joǵarylady. Sondaı-aq Jibek Qulambaeva kórsetkishin jaqsartty, ol qazir 197-orynda.

WTA-nyń 22 mamyrdaǵy reıtıngisi:

4 (+2). Elena Rybakına (Qazaqstan) – 5090

61 (-10). ıÝlııa Pýtıntseva (Qazaqstan) – 916

481(-1). Gózal Aınıtdınova (Qazaqstan) – 96

1143 (+3). Arýjan Saǵyndyqova (Qazaqstan) – 9.

Elena Rybakına WTA chempıondyq kestesinde ekinshi satyda nyq bekidi. Ol úshinshi oryndaǵy álemniń 1-raketkasy, Polsha ókili Iga Shventekten alystaı tústi. Qazir chempıondyq kestede olardyń arasyn 1131 upaı bólip tur. Sonymen qatar kósh basyndaǵy belorýssııalyq Arına Sobolenkomen aıyrmashylyq (564 upaı) edáýir qysqardy. Eki apta buryn A.Sobolenko 1554 upaıǵa uzap ketken edi.

Chempıondyq kestede alǵashqy segiz orynǵa ıe bolǵan tennısshiler maýsym sońynda WTA qorytyndy týrnırine qatysady.

Eske sala keteıik, budan buryn Elena Rybakınanyń Rım masters týrnıriniń chempıony atanǵanyn jazǵan bolatynbyz.

Sondaı-aq Elena Rybakına Rolan Garros týrnırine qatysatynyn málimdedi.

Qazaqstandyq tennısshi AQSh-taǵy týrnırde jeńimpaz atandy.