Elena Rybakına ótken jylǵy Ýımbldon fınalyndaǵy qarsylasy Ons Jabermen oınaıdy

ASTANA. QazAqparat – Qazaqstannyń birinshi, álemniń 3-raketkasy Elena Rybakınanyń Ýımbldon týrnıriniń shırek fınalyndaǵy qarsylasy anyqtaldy, dep habarlaıdy QazAqparat tilshisi.

Álemniń 6-raketkasy, týnıstik Ons Jaber tórtinshi aınalymda dúnıejúzilik reıtıngte 9-orynda turǵan chehııalyq Petra Kvıtovany ońaı jeńdi.

Birinshi partııada týnıstik sportshy qarsylasyna esh múmkindik qaldyrmady – 6:0. Ekinshi set te onyń basymdylyǵymen ótti – 6:3.

Osylaısha, shırek fınalda O.Jaber men E.Rybakına kezdesetin boldy.

Ótken jyly Ýımbldonda sońǵy básekede Elena Rybakına Ons Jaberdi 3:6, 6:2, 6:2 esebimen qapy qaldyryp, chempıon atanǵan edi.

Qazaqstandyq jáne týnıstik sportshy osyǵan deıin ózara tórt márte oınaǵan. Esep teń – 2:2.

E.Rybakına – O.Jaber matchy 12 shilde kúni ortalyq kortta ótetin bolady.

Eske sala keteıik, budan buryn Mıhaıl Kýkýshkınniń AQSh-taǵy jarystyń fınalynda ese jibergenin jazǵan bolatynbyz.

Sondaı-aq Elena Rybakınanyń Ýımbldonnyń aldaǵy oıyndaryndaǵy múmkindigine boljam jasaldy.

Elena Rybakına jáne Anna Danılına Ýımbldonnyń shırek fınalyna joldama aldy.