Elena Rybakına Maıamıde jartylaı fınalda birinshi sette qarsylasynan basym tústi

ASTANA. QazAqparat – Qazaqstannyń birinshi, álemniń 7-raketkasy Elena Rybakına Maıamı WTA 1000 týrnıriniń jartylaı fınalynda oınap jatyr, dep habarlaıdy QazAqparat tilshisi.

Qazaqstandyq tennısshi jartylaı fınalda álemniń 3-raketkasy, amerıkalyq Djessıka Pegýlamen sheberlik baıqasty.

Ótken jyly qarsylastar Maıamı men Gvadalahara-2 jarysynda kezdesip, ekeýinde de amerıkalyq tennısshi 6:3, 6:4 jáne 2:6, 6:3, 7:6 (10:8) esebimen jeńiske jetken edi.

Bul joly D.Pegýla birden breıkpen bastady – 2:0. Degenmen Elena tarazy basyn teńestirdi – 2:2. Biraq amerıkalyq tennısshi qaıta alǵa ketti – 4:2. Ol setke dop bergende, esep qaıta teńesti – 5:5. Rybakına sol boıda óz geımin berip qoıǵanymen, qaıyra breık jasady – 6:6. Taı-breıkte esep 2:2 bolǵan mezette jańbyr jaýyp ketti. Úzilisten keıin taı-breıkte Elena sáttirek oınady – 7:6 (7:3). Budan soń jańbyrǵa baılanysty match keıinge qaldyryldy.

Ekinshi jartylaı fınalda álemniń 12-raketkasy, chehııalyq Petra Kvıtova men reıtıngte 74-orynda turǵan rýmynııalyq Sorana Kyrstıa oınaıdy.

P.Kvıtova shırek fınalda reıtıngte 18-satydaǵy reseılik Ekaterına Aleksandrovany 6:4, 3:6, 6:3 esebimen tize búktirdi.

Eske sala keteıik, budan buryn Elena Rybakına Maıamı masters týrnıriniń jartylaı fınalyndaǵy qarsylasyn uta ala ma, sony jazǵan bolatynbyz.

Sondaı-aq Qazaqstan jasóspirim tennısshileri álem chempıonatynan tys qaldy.