Elena Rybakına Madrıd týrnıriniń úshinshi aınalymyna shyqty
Osy iri dodanyń 16-raketkasy bolyp tirkelgen qazaqstandyq tennısshi ekinshi kezdesýin dúnıejúzilik reıtıngte 51-orynda turǵan chehııalyq Katerına Sınıakovamen ótkizdi.
Ekeýi osyǵan deıin bes ret sheberlik baıqasyp, sonyń úsheýinde E.Rybakına jeńiske jetken edi.
Bul joly birinshi partııada E.Rybakına qarsylasyna birde-bir geım bergen joq – 6:0.
Ekinshi sette de Rybakına 1:0 esebimen alǵa ketkennen keıin chehııalyq sportshy básekeni jalǵastyrýdan bas tartty.
Elena nebári 38 mınýtqa sozylǵan match barysynda 3 eıs jasap, 6 breıktiń teń jartysyn paıdalanyp úlgerdi.
E.Rybakına júlde qory 6,5 mln eýrodan asatyn jarystyń shırek fınalyna shyǵý úshin álemniń 35-raketkasy, shveıtsarııalyq Hıl Belen Taıhmanmen talasady.
Eske sala keteıik, budan buryn ıÝlııa Pýtıntsevanyń Madrıdte tartysty matchta qarsylasyna ese jibergenin jazǵan bolatynbyz.
Sondaı-aq qazaqstandyq tennısshiler halyqaralyq týrnırlerdiń fınalısi atandy.