Elena Rybakına Madrıd masters týrnırinde baq synaıdy

ASTANA. QazAqparat – Qazaqstandyq tennısshilerdiń Madrıd masters týrnırlerindegi qarsylastary belgili boldy, dep habarlaıdy QazAqparat tilshisi.

Ispanııa astanasynda WTA 1000 jáne ATP 1000 jarystary sáıkesinshe 25 sáýir – 6 mamyr, 26 sáýir – 7 mamyr aralyǵynda ótedi.

Qazaqstannyń birinshi, álemniń 7-raketkasy Elena Rybakına dodany ekinshi aınalymnan bastap, reseılik Anna Kalınskaıa nemese chehııalyq Brenda Frýhvırtovanyń bireýimen kezdesedi.

Álemniń 51-raketkasy ıÝlııa Pýtıntseva alǵashqy aınalymda reıtıngte ózinen tórt saty tómen turǵan amerıkalyq Kler Lıýden ótýge tyrysady.

Ótken jyly Madrıdte E.Rybakına úshinshi, ıÝ.Pýtıntseva ekinshi aınalymǵa deıin jetken edi.

Erler arasynda Qazaqstannyń birinshi, álemniń 55-raketkasy Aleksandr Býblık reıtıngte 100-satydaǵy kolýmbııalyq Danıel Galanmen sheberlik baıqasady. Tımofeı Skatov irikteý saıystarynda búgin ıtalııalyq Marko Chekkınatomen kortqa shyǵady.

Elena Rybakınanyń Shtýtgart WTA 500 týrnıriniń ekinshi aınalymynda jambas jaraqatyna baılanysty matchty jalǵastyrýdan bas tartqany belgili.

Qazaqstan tennıs federatsııasynyń málimetine qaraǵanda, E.Rybakınanyń qazir jaǵdaıy jaqsy.

Shtýtgartta fınalda belorýssııalyq Arına Sobolenkony utqan álemniń 1-raketkasy, Polsha ókili Iga Shventek ótken jylǵy nátıjesin qaıtalady.

Eske sala keteıik, budan buryn qazaqstandyq jas tennısshilerdiń Albanııadaǵy jarystyń jeńimpazy atanǵanyn jazǵan edik.

Sondaı-aq qazaqstandyq tennısshilerdiń álemdik reıtıngidegi pozıtsııasy qandaı ekendigi habarlandy.