Elena Rybakına qazaqstandyq jas tennısshilerge 2,5 mln teńgeden berdi

ASTANA. QazAqparat – Qazaqstandyq tennısshi, Ýımbldon-2022 chempıony Elena Rybakına elimizdiń jas tennısshilerine qoldaý kórsetti, dep habarlaıdy QazAqparat Qazaqstan tennıs federatsııasyna silteme jasap.

Elena Rybakına «Ýımbldon-2022» jeńisinen keıin júlde qarajatynyń bir bóligi otandyq jas tennısshilerdi qoldaýǵa baǵyttalatynyna ýáde berdi.

Jaqynda Elena Astanada qańǵybas ıtter ortalyǵy «StopOtlov» eriktiler qozǵalysyna aqsha aýdarǵan bolatyn.

Al kelesi kúni chempıon qazaqstandyq jas tennısshilerge qoldap kórsetip, olardyń bolashaqta úzdik oıynshy bolýǵa umtylýyna qarajat bóldi. E.Rybakına jas tennısshilerdi ózi tańdap, nátıjesinde 14 oıynshy 2,5 mln teńgeden aldy. Olardyń qatarynda Lınara Bólesheva, Polına Barabanova, Amına Nurahan, Arıana Gogýlına, Satıma Tóregen, Eva Karysheva, Albına Kákenova, Arýjan Arystanbekova, Dana Baıdáýlet, Іńkár Dúısebaı, Aııa Núpbaı, Polına Sleptsova, Sandýǵash Kenjebaeva jáne Zara Darken bar.

Sondaı-aq, jas tennısshiler Elenaǵa hat jazyp, atalǵan sportqa kelý tarıhy týraly aıtyp berdi.

«Meniń oıymsha, jas tennısshiler arasynda týrnır uıymdastyryp olarǵa granttar taǵaıyndaý durys bolar edi. Óıtkeni, men bir kezderi Qazaqstannan úlken qoldaý taptym. Endi jas urpaqtyń damýyna kómektesý meniń kezegim»,- degen edi Elena Rybakına Ýımbldonda jeńiske jetkennen keıin.

Osylaısha, sportshy óz ýádesin oryndady.