Elena Rybakına qańǵybas ıtterge arnalǵan qamqorlyq ortalyǵyna qarajat aýdardy
«Qurmetti dostar, bizge kútpegen jerden kelgen erekshe qýanyshty jańalyqpen bólispesek bolmady. Elimizge eń tanymal ári talantty tennısshi Elena Rybakına bizge qıyn sátte qol ushyn sozdy. Keshe biz 10 tonna makaron satyp aldyq. Qýanyshymyzda shek joq. Elenaǵa sheksiz alǵys aıtamyz», - dep jazylǵan «StopOtlov» volonterlik qozǵalysynyń Instagram paraqshasynda.
Volonterlik qozǵalys ókilderi Elena Rybakınaǵa ıgi tilekterin bildirgen. Sondaı-aq, tennısshini qańǵybas ıtter ortalyǵyna shaqyrady.
Al, sportshynyń qaıyrymdylyqqa qansha qarajat aýdarǵany naqtylanbaǵan.
Eske salsaq, Qazaqstannyń birinshi, álemniń 23-raketkasy Elena Rybakına 2022 jylǵy 9 shildede Ýımbldon týrnıriniń chempıony atandy.
Sportshy jarystan alǵan júlde qorynyń bir bóligin janýarlardy qorǵaýǵa baǵyttaǵysy keletinin málim etken edi. Sondaı-aq, ol týrnırdegi jeńisi úshin beriletin Qazaqstan tennıs federatsııasynyń syıaqysyn alýdan bas tartty.
Aıta keteıik, bıyl qańtarda Elena Rybakına álemniń 10-raketkasy atandy. Mundaı oqıǵa Qazaqstan tarıhynda alǵash ret boldy.
Sondaı-aq, taıaýda ǵana Aýstralııa chempıonatynda Elena Rybakına eıs jasaýdan rekord ornatqan edi.