Elena Rybakına Indıan-Ýells masters týrnıriniń tórtinshi aınalymyna shyqty

ASTANA. QazAqparat – Qazaqstannyń birinshi, álemniń 10-raketkasy Elena Rybakına AQSh-ta ótip jatqan Indıan-Ýells WTA 1000 týrnıriniń tórtinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi úshinshi aınalymda álemniń 22-raketkasy, ıspanııalyq Paýla Badosamen sheberlik baıqasty.

Qarsylastar osyǵan deıin bes ret kezdesip, sonyń tórteýinde ıspanııalyq sportshy jeńiske jetken edi.

Bul joly E.Rybakına 6:3, 7:5 esebimen ese qaıtardy.

Saǵat jarymnan astam ýaqytqa sozylǵan tartysty básekede E.Rybakına 9 eıs jasap, 8 breık-poınttyń teń jartysyn paıdalandy. P.Badosa 2 eıs, 1 breıkpen (6 breık-poınt) shekteldi.

Elena Rybakına jalpy júlde qory 8,8 mln AQSh dollaryna baǵalanǵan masters jarysynyń shırek fınalyna shyǵý úshin reseılikter, álemniń 8-raketkasy Darıa Kasatkına nemese reıtıngte 66-satydaǵy Varvara Grachevanyń bireýimen talasady.

Ótken jyly bul dodada fınalda grekııalyq Marııa Sakkarıdi utqan Polsha ókili, álemniń 1-raketkasy Iga Shventek jeńimpaz atanǵan edi.

Eske sala keteıik, budan buryn Elena Rybakınanyń Indıan-Ýells masters týrnıriniń úshinshi aınalymyna shyqqanan jazǵan bolatynbyz.

Sondaı-aq qazaqstandyq jasóspirim tennısshiler álem chempıonatynyń irikteý kezeńine qatysady.