Elena Rybakına federatsııa syıaqysynan bas tartý sebebin túsindirdi

NUR-SULTAN. QazAqparat – Qazaqstandyq tennısshi, Ýımbldon-2022 chempıony Elena Rybakına Qazaqstan tennıs federatsııasy usynǵan syıaqydan nelikten bas tartqanyn aıtty, dep habarlaıdy QazAqparat tilshisi.

«

Maǵan buǵan deıin de kómektesti, kómektesip te jatyr. Endi meniń kezegim keldi dep oılaımyn, ıaǵnı alǵysymdy sózben ǵana emes, ispen dáleldeıtin ýaqyt keldi. Meniń jeńisim barshaǵa ortaq. Jeńis munymen bitpeıdi, alda taǵy jeńisti sátter kútip tur dep úmittenemin. Tıisinshe qaıyrymdylyq jasaý da jalǵasyn tabady. Sondyqtan, aqyldasa kele syıaqyny qaıyrymdylyqqa jumsaý týraly sheshim qabyldadyq

«, - dedi Elena Rybakına elordada ótken baspasóz máslıhatynda.

Tanymal tennısshi bala kúninde kásibı sportshy bolamyn degen maqsat qoımaǵan.

«

Tennısti bala kezimde kásibı sportshy bolamyn dep oınaǵan joqpyn. Ol kezde men úshin tennıs oınaý mektepten keıin ýaqyt ótkizýdiń bir túri ǵana boldy. Ata-anam kásibı tennısshi bolýym úshin maǵan qarjy quıǵan emes. Bul jaǵynan erik ózimde boldy. Tennıspen ózime unaǵandyqtan aınalystym

», - deıdi ol.

Eske salsaq, Ýımbldon chempıony Elena Rybakına týrnırdegi jeńisi úshin beriletin Qazaqstan tennıs federatsııasynyń syıaqysyn alýdan bas tartqan edi.

Buǵan deıin sportshy ózin «Reseıdiń daıyn ónimi» deıtinderge jaýap berdi.

Sondaı-aq, E. Rybakına jıi qoıylyp júrgen suraqtardyń biri – azamattyǵyna qatysty túsinik berdi. https://kaz.inform.kz/news/men-kazakstan-azamatymyn-elena-rybakina_a3953853

Ýımbldon-2022 týrnıriniń jeńimpazy jarystan alǵan syıaqynyń bir bóligin janýarlardy qorǵaýǵa jumsaıtynyn aıtty.

Odan bólek, tennısshi Qazaqstannyń atynan óner kórsetýine qatysty pikir bildirdi.