Elena Rybakına Dýbaıda ekinshi jeńisine qol jetkizdi

ASTANA. QazAqparat – Qazaqstannyń birinshi raketkasy Elena Rybakına Dýbaıda (BAÁ) ótip jatqan World Tennis League komandalyq týrnıriniń toptyq básekesinde ekinshi jeńisine qol jetkizdi, dep habarlaıdy QazAqparat tilshisi.

Elena Rybakına germanııalyq Aleksandr Zverevpen birge aralas synda kanadalyq Felıks Oje-Alıassım – úndistandyq Sanıa Mırzamen sheberlik baıqasty.

Qazaqstandyq-germanııalyq jup 7:5, 3:6, 10:5 esebimen jeńiske jetti. 1 saǵat 23 mınýtqa sozylǵan báseke barysynda olar 8 eıs jasap, 6 breık-poınttyń bireýin paıdalana bildi.

«Qarshyǵalar» tobynda óner kórsetip jatqan E.Rybakına 23 jeltoqsanda álemniń 4-raketkasy, frantsııalyq Karolın Garsııamen oınaıdy.

Elena bastapqy kezdesýinde álemniń 5-raketkasy, Belarýs ókili Arına Sobolenkony utqan edi.

Eske sala keteıik, budan buryn Elena Rybakınanyń «Altyn adam» syılyǵynyń laýreaty atanǵanyn jazǵan bolatynbyz.

Sondaı-aq qazaqstandyq Eýropadaǵy úzdik jas tennısshi atandy.