Elena Rybakına Dýbaı jarysynyń úshinshi aınalymyna ótti

ASTANA. QazAqparat – Qazaqstannyń birinshi, álemniń 10-raketkasy Elena Rybakına Dýbaı WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.

E.Rybakına ekinshi aınalymda álemniń 26-raketkasy, chehııalyq Marııa Boýzkovamen sheberlik baıqasty.

Osyǵan deıin qarsylastardyń ózara úsh ret joldary toqaılasyp, bárinde de qazaqstandyq tennısshi jeńgen edi.

Bul joly E.Rybakına matchty breıkpen bastaǵanymen, M.Boýzkova tarazy basyn teńestire aldy. Degenmen Elena taǵy bir breık jasap, 6:5 esebimen alǵa shyqty. Sosyn setke dop bergende, óz múmkindigin jibergen joq – 7:5.

Qazaqstandyq tennısshi ekinshi partııany da breıkpen bastady – 2:0. Sodan keıin taǵy bir eıs jasap, matchty jeńispen túıindedi – 6:2.

Bir saǵat 44 mınýtqa sozylǵan báseke barysynda E.Rybakına 6 eıs jasap, 8 breık-poınttyń teń jartysyn óz esebine jazdy. Qarsylasy 1 breıkten (3 breık-poınt) asa alǵan joq.

E.Rybakına shırek fınalǵa shyǵý úshin álemniń 6-raketkasy, amerıkalyq Koko Gaýfpen talasady. Ol ekinshi aınalymda reıtıngte 43-orynda turǵan Belarýs ókili Aleksandra Sasnovıchti tize búktirdi – 6:0, 6:4.

Taǵy bir qazaqstandyq, reıtıngte 46-satydaǵy ıÝlııa Pýtıntseva Dýbaıda ekinshi aınalymda álemniń 15-inshi, osy jarystyń 12-raketkasy, chehııalyq Petra Kvıtovamen kezdesip, 4:6, 4:6 esebimen jol berdi.

Eske sala keteıik, budan buryn ıÝlııa Pýtıntsevanyń Dýbaı týrnıriniń ekinshi aınalymyna shyqqanyn jazǵan bolatynbyz.

Sondaı-aq Aleksandr Býblık Marsel týrnırin jeńispen bastady.

Elena Rybakına Dýbaıda AQSh chempıonyn joldan taıdyrdy.