Elena Rybakına bir jylda 370 eıs jasap, álemde ekinshi boldy

ASTANA. QazAqparat – Qazaqstan quramasynyń kóshbasshysy Elena Rybakına bıylǵy WTA jarystarynda 57 matchta 370 eıs jasady, dep habarlaıdy QazAqparat tilshisi.

Qazaqstan tennıs federatsııasynan málim etkendeı, birinshi orynǵa 63 matchtaǵy 394 eıspen WTA qorytyndy týrnıriniń chempıony, frantsııalyq Karolın Garsııa kóterildi.

Ekinshi satyǵa E.Rybakına jaıǵassa, reseılik Veronıka Kýdermetova (59 match, 265 eıs) úzdik úshtikke ilikti.

2020 jyly E.Rybakına 193 eıspen áıelder tennısi qaýymdastyǵynda (WTA) ozyq shyqqan edi.

Erler arasynda ATR qorytyndysy boıynsha Qazaqstannyń birinshi raketkasy Aleksandr Býblık altynshy orynǵa taban tiredi. Ol 55 básekede 715 eıske qol jetkizdi. Ótken jyly qazaqstandyq tennısshi bul jóninen aldyna jan salmaǵan edi (62 match, 840 eıs).

Eske sala keteıik, budan buryn Elena Rybakınanyń «Jyl oıynshysy» ataǵyna úmitker ekendigin, qazaqstandyq tennısshilerdiń álemdik reıtıngidegi oryndary anyqtalǵanyn jazǵan bolatynbyz.

Sondaı-aq qazaqstandyq tennısshi Japonııadaǵy týrnırdi jeńispen bastady.