Elena Rybakına Berlın týrnırinde utylyp qaldy

ASTANA. QazAqparat - Qazaqstannyń birinshi, álemniń 3-raketkasy Elena Rybakına Berlın WTA 500 týrnıriniń shırek fınalyna shyǵa almady, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 23-raketkasy, horvatııalyq Donna Vekıchpen kezdesti.

Birinshi partııada taı-breıkte Elena Rybakına basymdylyq tanytty - 7:6 (7:1).

Alaıda sodan keıin horvatııalyq sportshy kúsh alyp ketti - 6:3, 6:4.

Eki saǵat 14 mınýtqa sozylǵan tartysty báseke barysynda Elena Rybakına 15 eıs jasaǵanymen, 2 breık-poıntty múlt jiberdi.

Qarsylasy 5 eıspen birge 7 breık-poınttyń ekeýin paıdalana bildi.

D.Vekıch jartylaı fınalǵa shyǵý úshin reıtıngte 81-orynda turǵan reseılik Elına Avanesıanmen talasady.

Ol buǵan deıin otandastary Darıa Kasatkına men Anna Blınkovany joldan taıdyrdy.

Eske sala keteıik, budan buryn Elena Rybakına Qazaqstanda balalardyń tennıs oınaı bastaǵany qýantatynyn aıtqan bolatyn.