Elena Rybakına aıdyń úzdik tennısshisi atanýy múmkin sportshylardyń tiziminde tur

ASTANA. QazAqparat – Tanymal Relevant Tennis Twitter-akkaýnty óziniń jazylýshylaryna qańtar aıynyń qorytyndysy boıynsha úzdik tennısshini tańdaýdy usyndy, dep habarlaıdy QazAqparat Sports.kz saıtyna silteme jasap.

Tizimde belarýs ókili Arına Sobolenko men Vıktorııa Azarenko, qazaqstandyq Elena Rybakına, polshalyq sportshy Magda Lınnet, amerıkalyq Djessıka Pegýla, shveıtsarııalyq Belında Benchıch pen qytaılyq Chjý Lın bar.

Elena Rybakınanyń basty jetistigi ol qańtarda Australian Open jarysynyń fınalyna deıin jetti. Ol Arına Sobolenkoǵa 6:4, 3:6, 4:6 esebimen jol berdi. Elena Úlken dýlyǵa týrnırindegi ótken jylǵy Ýımbldondaǵy jeńisinen keıingi ekinshi ret fınalǵa shyǵyp otyr.

Qazaqstandyq tennısshi endi 6-12 aqpana aralyǵynda BAÁ ótetin týrnırge qatysady. Bul jarysta Elena úzdikterdiń qatarynda tur.