Elena Rybakına Australian Open-2023 chempıony

ASTANA. QazAqparat – Chempıondyq ataq sarapqa salynǵan Aýstralııa ashyq birinshiliginiń fınalynda qazaqstandyq Elena Rybakına jeńiske jetti, dep habarlaıdy QazAqparat tilshisi.

Elena Rybakına 35 mınýtta birinshi setti 6:4 esebimen utty.

Arına Sobolenko ekinshi sette esepti teńestirdi – 6:3.

Jeńimpaz úshinshi sheshýshi sette anyqtaldy.

Qos tennısshi de Aýstralııa ashyq chempıonatynyń fınalyna alǵash ret shyǵyp otyr.

Buǵan deıin 23 jastaǵy Elena Rybakına 2020 jyly úshinshi aınalymǵa deıin jetken edi. Al, odan bir jas úlken Arına Sobolenko tórtinshi aınalymnan asyp kórgen emes.

E. Rybakınanyń ótken jyly Ýımbldon týrnıriniń chempıony atanǵany belgili. A. Sobolenko 2021 jyly Ýımbldon men US Open, 2022 jyly US Open dodasynda jartylaı fınalǵa deıin jetken. Bul – onyń «Úlken dýlyǵa» týrnırindegi alǵashqy fınaly bolmaq.

Qarsylastar ózara úsh ret kezdesip, bárinde de belarýstik tennısshi úsh sette basym túsken.

Eske sala keteıik, budan buryn Aýstralııa chempıonatynda Elena Rybakınanyń alǵash ret fınalǵa shyqqanyn jazǵan bolatynbyz.

Sondaı-aq, Elena Rybakına Aýstralııa chempıonatynda eıs jasaýdan úzdik atandy.

Qazaqstandyq jas tennısshi Aýstralııadaǵy týrnırdiń fınalısi atandy.

Qazaqstandyq tennısshi qyzdar Úndistandaǵy týrnırdiń fınalyna shyqty.