Elena Rybakına Almatydaǵy kezdesýin keıinge qaldyrdy

NUR-SULTAN. QazAqparat – Ýımbldon chempıony Elena Rybakına Almatydaǵy kezdesýin keıinge qaldyrdy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, Elena Rybakına Almatyǵa barýdy búginge josparlap edi.

«Qymbatty almatylyqtar! Ýımbldondaǵy jeńisten keıingi qýanyshty bólisý úshin búgin sizderge jetemin be dep oılap edim. Ókinishke qaraı, sońǵy kúnderdegi sharshaǵandyq pen júıkege túsken salmaq josparymdy ózgertip jiberdi. Tolyq qalpyma kelý úshin úzilis alýǵa týra keldi. Sizdiń tamasha qalańyzǵa kelesi joly mindetti túrde baramyn. Túsinistik tanytyp, qoldaý kórsetkenderińiz úshin alǵys aıtamyn», - dedi E. Rybakına.

Elena keshe elordada bolyp, birneshe kezdesý ótkizgen edi.

Eske sala keteıik, budan buryn ıÝlııa Pýtıntsevanyń Býdapesht týrnırin jeńispen bastaǵanyn jazǵan bolatynbyz.