ASTANA. QazAqparat - Qazaqstannyń birinshi, álemniń 4-raketkasy Elena Rybakına sporttyq jolynda alǵash ret WTA qorytyndy týrnırinde oınaıdy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Elena Rybakınanyń esebinde qazir 5476 upaı bar, bul oǵan atalmysh dodaǵa qatysýǵa múmkindik beredi.
WTA qorytyndy jarysynda Rybakınadan basqa belarýstik Arına Sobolenko men Polsha ókili Iga Shventek joldama aldy.
Osylaısha, atalmysh týrnırde E.Rybakına jekeleı synda qazaqstandyq tennısshilerden tuńǵysh ret óner kórsetedi. Ótken jyly Anna Danılına juptyq synda baq synaǵan edi.
Doda bıyl qazanda Chehııada nemese Saýd Arabııasynda ótýi múmkin.
Eske sala keteıik, budan buryn AQSh ashyq chempıonatynda Anna Danılınanyń mıkste fınalǵa joldama alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).