NUR-SULTAN. QazAqparat – Qazaqstannyń birinshi, álemniń 25-raketkasy Elena Rybakına Tsıntsınnatı (AQSh) WTA 1000 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi úshinshi aınalymda álemniń 29-raketkasy, amerıkalyq Elıson Rıskemen kezdesti.
Birinshi partııada E.Rybakına 6:2 esebimen basym tústi. Ekinshi sette de esesin jibergen joq – 6:4.
Bir saǵat 25 mınýtqa sozylǵan match barysynda Elena 9 eıs jasap, 13 breık-poınttyń tórteýin sátti paıdalandy. Qarsylasy 1 eıs, 1 breıkten asa alǵan joq.
Osylaısha, E.Rybakına óz sporttyq jolynda alǵash ret Tsıntsınnatı dodasynyń shırek fınalyna joldama aldy. Ol jartylaı fınalǵa shyǵý úshin álemniń 1-raketkasy, Polsha ókili Iga Sventek nemese reıtıngte 24-oryndaǵy amerıkalyq Medıson Kızdiń bireýimen talasady.
Eske sala keteıik, budan buryn Elena Rybakınanyń Tsıntsınnatı týrnırinde «Úlken dýlyǵa» týrnıriniń eki dúrkin chempıonyn utqanyn jazǵan bolatynbyz.
Sondaı-aq Anna Danılına Tsıntsınnatı týrnırin jeńispen bastady.
Foto: sports.kz
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).