Elena Rybakına álemniń «Jyl oıynshysy» ataǵyna úmitker

ASTANA. QazAqparat – Maýsym qorytyndysy boıynsha Áıelder tennısi qaýymdastyǵynyń (WTA) marapatyna úmitkerler anyqtaldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, elimizdiń birinshi raketkasy, Ýımbldon-2022 chempıony Elena Rybakına «Jyl oıynshysy» atalymy boıynsha úmitkerler qataryna kirdi.

Sondaı-aq joǵary marapatqa álemniń birinshi raketkasy, «Rolan Garros», US Open jáne taǵy alty jarystyń jeńimpazy, Polsha ókili Iga Shventek, dúnıejúzilik reıtıngide ekinshi turǵan US Open jáne Ýımbldon fınalısi, Madrıd pen Berlın chempıony, týnıstik Ons Jaber talaspaq. Budan bólek, amerıkalyqtar, álemniń jetinshi raketkasy, Rolan Garros fınalısi Korı Gaýff, reıtıngide úzdik úshtiktegi Gvadalahara chempıony Djessıka Pegýla, sonymen qatar bıyl WTA qorytyndy týrnırinde top jarǵan frantsııalyq Karolın Garsııa tizimge ilikken.

Eske sala keteıik, budan buryn Elena Rybakınanyń QazAqparat tilshisine bergen suhbatyn jarııalaǵan edik. Tennısshi qazaqstandyqtardyń qoldaýyn únemi sezinetinin aıtty.