Elena Rybakına álemdik reıtıngte úzdik úshtikten tys qaldy

ASTANA. QazAqparat – Áıelder tennısi qaýymdastyǵynyń (WTA) Live reıtıngisinde Qazaqstannyń úzdik oıynshysy Elena Rybakına tórtinshi orynǵa syrǵydy, dep habarlaıdy QazAqparat tilshisi.

Ótken aptada Vashıngton WTA 500 jarysynyń jartylaı fınalyna deıin jetken amerıkalyq Djessıka Pegýla 5480 upaı jınap, úshinshi satyǵa kóterildi.

E.Rybakınanyń enshisinde 5465 upaı bar.

Qazaqstannyń ekinshi raketkasy ıÝlııa Pýtıntseva 60-tan 61-ge tómendedi.

Elena Rybakınanyń úzdik úshtikke qaıta enetindeı múmkindigi bar. Ol úshin 8 tamyzǵa qaraǵan túni bastalatyn Monreal masters týrnırinde sátti óner kórsetýi kerek. Munda álemniń birinshi jáne ekinshi raketkalary, Polsha ókili Iga Shventek pen belorýssııalyq Arına Sobolenkodan bastap Djessıka Pegýla da óner kórsetedi.

Eske sala keteıik, budan buryn Aleksandr Nedovesovtiń Aýstrııadaǵy jarystyń fınalynda jeńilis tapqanyn jazǵan bolatynbyz.

Sondaı-aq ıÝlııa Pýtıntseva Monreal masters jarysynyń irikteý saıysyn sátti bastady.

Denıs Evseev álemdik reıtıngte 31 saty joǵary kóterildi.