Elena Rybakına álemdik reıtıngide TOP-úshtikke endi

ASTANA. QazAqparat – Qazaqstannyń birinshi raketkasy Elena Rybakına aldaǵy dúısenbide jańartylatyn álemdik reıtıngide úzdik úshtikke enedi, dep habarlaıdy QazAqparat tilshisi.

Qazaqstandyq tennısshi WTA Live reıtıngisinde qazir 4-ten 3-orynǵa kóterilip tur.

Rolan Garros týrnıriniń qorytyndysy boıynsha E.Rybakınanyń aldyna álemniń 7-raketkasy, týnıstik tennısshi Ons Jaber shyǵýy múmkin edi. Alaıda ol shırek fınalda álemniń 14-raketkasy, brazılııalyq Beatrıs Haddad Maııaǵa jol berdi – 6:3, 6:7 (5:7), 1:6.

Osylaısha, Elena Rybakına Polsha ókili Iga Shventek pen Belarýs ókili Arına Sobolenkodan keıingi úshinshi satyǵa kóterilmek.

Qazaqstan tennıs federatsııasynyń baspasóz qyzmeti málimetti rastap, E.Rybakınanyń resmı túrde aldaǵy dúısenbide álemniń úshinshi raketkasy atanatynyn jetkizdi.

Eske sala keteıik, budan buryn qazaqstandyq jas tennısshiniń Grýzııada ótken jarystyń absolıýtti chempıony atanǵanyn jazǵan bolatynbyz.