Elena Rybakına álemdik reıtıngide 25-orynǵa syrǵydy

ASTANA. QazAqparat – Áıelder tennısi qaýymdastyǵy (WTA) jańartylǵan reıtıngini jarııa etti, dep habarlaıdy QazAqparat tilshisi.

Qazaqstannyń birinshi raketkasy Elena Rybakına 22-den 25-orynǵa syrǵydy.

ıÝlııa Pýtıntseva 41-den 42-satyǵa tómendedi.

Dúnıejúzilik reıtıngte burynǵysha Polsha ókili Iga Sventek kósh bastasa, týnıstik Ons Jaber ekinshi orynda. Ispanııalyq Paýla Badosa úzdik úshtikke ilikti.

Juptyq reıtıngide Anna Danılına 20-dan 21-orynǵa tómendese, E.Rybakına 100-den 99-ǵa jaıǵasty.

Munda burynǵysha chehııalyqtar Katerına Sınıakova, Barbora Kreıchıkova jáne belgııalyq Elıze Mertens aldyńǵy lekte keledi.

Elena Rybakıan osy aptada Tallın WTA 250 týrnırinde oınaýy tıis edi. Ol alǵashqy aınalymda germanııalyq Laýra Zıgemýndpen kezdesýi tıis bolatyn. Alaıda E.Rybakına jaraqatyna baılanysty jarysqa qatysýdan bas tartty. Onyń ornyna shveıtsarııalyq Hıl Taıhman shaqyryldy.

Eske sala keteıik, budan buryn Aleksandr Býblıktiń Frantsııadaǵy týrnırdiń fınalynda jeńilip qalǵanyn jazǵan bolatynbyz.

Foto: ktf.kz