Elena Rybakına AQSh ashyq chempıonatynda jeńilip qaldy

NUR-SULTAN. QazAqparat - Qazaqstannyń birinshi, álemniń 25-raketkasy A QSh ashyq chempıonatynyń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi alǵashqy aınalymda dúnıejúzilik reıtıngte 131-orynda turǵan frantsııalyq Klara Bıýrelmen sheberlik baıqasty.

Qarsylastar osyǵan deıin kezdespegen bolatyn.

Birinshi partııada frantsııalyq sportshy basym tústi - 6:4.

Klara ekinshi sette birden 2:0 esebimen alǵa shyqty. Aqyry sol qarqynynan jańylǵan joq - 6:4.

Osylaısha, E.Rybakına básekeniń favorıti bolǵanyna qaramastan, kútpegen jerden qarsylasyna ese jiberdi.

Saǵat jarymǵa sozylǵan matchta E.Rybakına 4 eıs jasap, 9 breık-poınttyń bireýin ǵana paıdalandy. Frantsııalyq sportshy 4 eıspen birge 3 breık-poıntty túgel óz esebine jazdy.

K.Bıýrel ekinshi aınalymda belgııalyq Elıson Van Eıtvank nemese amerıkalyq Vınýs Ýılıamstiń bireýimen kortqa shyǵady.

Eske sala keteıik, budan buryn Aleksandr Býblıktiń AQSh ashyq chempıonatynyń ekinshi aınalymyna shyqqanyn jazǵan bolatynbyz.