Elena Rybakına Adelaıda týrnıriniń shırek fınalyna shyǵa almady
Qazaqstandyq tennısshi ekinshi aınalymda dúnıejúzilik reıtıngte 69-orynda turǵan 20 jastaǵy ýkraınalyq Marta Kostıýkpen sheberlik baıqasty.
Qarsylastar osyǵan deıin bir ret kezdesip, 2017 jyly jasóspirimder arasyndaǵy Aýstralııa ashyq chempıonatynda M.Kostıýk E.Rybakınany 6:1, 7:5 esebimen jeńgen.
Bul joly birinshi partııada esep 5:4 bolǵan mezette qazaqstandyq sportshy úsh set-poıntty paıdalana almady. Degenmen taı-breıkte óz múmkindigin múlt jibergen joq - 7:6 (7:5).
Ekinshi sette esesine M.Kostıýk breıkpen alǵa ketti – 2:0. Ol bul partııany taǵy bir breıkpen támamdady – 6:2.
Úshinshi, sheshýshi partııany E.Rybakına breıkpen bastaǵanymen, budan keıin ýkraınalyq sportshy kúsh alyp ketti – 4:1. Aqyry matchty jeńispen aıaqtaı bildi – 6:3.
Eki saǵat 21 mınýtqa sozylǵan tartysty báseke barysynda E.Rybakına 7 eıs jasap, 10 breık-poınttyń bireýin ǵana paıdalandy. Qarsylasy 5 eıs, 4 breıkpen (9 breık-poınt) kózge tústi.
M.Kostıýk jartylaı fınalǵa shyǵý úshin álemniń ekinshi, jarystyń 1-raketkasy, týnıstik Ons Jaber nemese reıtıngte 45-satydaǵy rýmynııalyq Sorana Kyrstıanyń bireýimen talasady.
Ótken jyly E.Rybakına osy dodanyń fınalyna deıin jetken edi.
Eske sala keteıik, budan buryn Elena Rybakınanyń jańa jyldaǵy alǵashqy jeńisine qol jetkizgenin jazǵan bolatynbyz.
Sondaı-aq Anna Danılına Aýstralııadaǵy jarystan shyǵyp qaldy.
Foto: ktf.kz