Elena Rybakına Ábý-Dabı týrnıriniń shırek fınalynda oınaıdy

ASTANA. QazAqparat – Qazaqstannyń birinshi, álemniń 10-raketkasy Elena Rybakına Ábý-Dabı WTA 500 týrnıriniń shırek fınalyna shyqty, dep habarlaıdy QazAqparat tilshisi.

Jarystyń 3-raketkasy bolyp tirkelip, dodaǵa ekinshi aınalymnan qosylǵan qazaqstandyq tennısshi kezinde dúnıejúzilik reıtıngte kósh bastaǵan, qazirgi ýaqytta 20-orynda turǵan chehııalyq Karolına Plıshkovamen sheberlik baıqasty.

Osyǵan deıin qarsylastar eki márte kezdesip, ekeýinde de E.Rybakına basym túsken edi.

Bul joly Elena birden breık jasady – 1:0. Set bitkenshe, sol qarqynynan aıyrylǵan joq – 6:4.

Ekinshi partııada da qazaqstandyq tennısshi breıkpen alǵa shyqty – 3:1. Sosyn esepti 5:1-ge jetkizdi. Aqyry matchty eıspen bitirdi – 6:2.

Bir saǵat 10 mınýtqa sozylǵan báseke barysynda E.Rybakına 3 eıs jasap, 8 breık-poınttyń úsheýin múlt jibergen joq. Qarsylasy 8 eıspen kózge tústi.

Elena Rybakına jartylaı fınalǵa shyǵý úshin álemniń 14-raketkasy, brazılııalyq Beatrıs Haddad Maııa nemese taǵy bir qazaqstandyq, reıtıngte 45-oryndaǵy ıÝlııa Pýtıntsevanyń bireýimen talasady.

Eske sala keteıik, budan buryn ıÝlııa Pýtıntsevanyń Ábý-Dabıde AQSh chempıonyn utqanyn jazǵan bolatynbyz.

Aleksandr Býblık Monpele týrnırinde jeńilip qaldy.

Qazaqstandyq jas tennısshiler álemdik reıtıngte pozıtsııasyn jaqsartty.