Qazaqstannyń birinshi, álemniń 4-raketkasy Elena Rybakınanyń jańa maýsymdy qaı jarystan bastaıtyny belgili boldy, dep habarlaıdy Kazinform.
E.Rybakına Áıelder tennısi qaýymdastyǵynyń (WTA) jańa maýsymynda Brısben (Aýstralııa) týrnırine qatysý týraly sheshim qabyldady.
Jarysty uıymdastyrýshylardan túsken aqparatqa qaraǵanda, Brısben dodasyna álemniń 2-raketkasy, Belarýs ókili Arına Sobolenko da qatyspaqshy.
WTA 500 sanatyndaǵy Brisbane International týrnıri 31 jeltoqsan – 7 qańtar aralyǵynda ótedi. Bul Australian Open qarsańyndaǵy dodalardyń biri bolmaq.
Bıyl Elena Rybakınanyń Aýstralııa ashyq chempıonatynyń fınalyna deıin jetip, Indıan-Ýells (AQSh) jáne Rım (Italııa) WTA 1000 týrnırleriniń chempıony atanǵany belgili.
Eske sala keteıik, budan buryn Qazaqstan tennısshileriniń álemdik reıtıngi jarııalanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).