Elena Rybakına jyldyń qorytyndy týrnırinde ekinshi ret utyldy

<p>ASTANA. KAZINFORM - Qazaqstannyń birinshi, álemniń besinshi raketkasy Elena Rybakına Er-Rııadta (Saýd Arabııasy) ótip jatqan WTA qorytyndy týrnırinde ekinshi matchyn ótkizdi.</p>

Qazaqstandyq tennısshi dúnıejúzilik reıtıngide ózinen eki saty tómen turǵan qytaılyq Chjen Tsınvenmen oınady.

Osyǵan deıin qarsylastar eki ret kezdesip, Rybakına jeńgen bolatyn.

Bul joly birinshi partııada qytaılyq tennısshi 4:1 esebimen alǵa shyqty. Rybakına tarazy basyn teńestirgenimen, taı-breık Tsınvenniń enshisinde ketti - 7:6 (7:4). Ekinshisinde Elena ese qaıyrdy - 6:3.

Alaıda úshinshi, sheshýshi sette qytaılyq tennısshi basymdylyq tanytty - 6:1.

Eki saǵat 27 mınýtqa sozylǵan tartysty matchta Rybakına 8 eıspen birge 6 breık-poınttyń teń jartysyn paıdalandy. Tsınven 6 eıs, 4 breıkpen (13 breık-poınt) kózge tústi.

E.Rybakına óz tobyndaǵy sońǵy kezdesýin álemniń 1-raketkasy, Belarýs ókili Arına Sobolenkomen ótkizedi.

Eske sala keteıik, budan buryn WTA týrnırinde Elena Rybakınanyń jeńilip qalǵanyn jazǵan bolatynbyz.