Elena Rybakına jyldyń alǵashqy jarysyn jeńispen bastady

<p>Qazaqstannyń birinshi, álemniń 4-raketkasy Elena Rybakına Brısben (Aýstralııa) WTA 500 týrnırinde alǵashqy jeńisine qol jetkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Jarystyń 2-raketkasy bolyp tirkelip, ekinshi aınalymnan bastaǵan E.Rybakına bastapqy kezdesýin dúnıejúzilik reıtıngte 124-satyda turǵan aýstralııalyq Olıvııa Gadekımen sátti ótkizdi.

Birinshi partııada qazaqstandyq tennısshi breık jasaı aldy – 6:4.

Ekinshi sette Elena qarqynyn tipti údetti – 6:1.

Bir saǵattan astam ýaqytqa sozylǵan báseke barysynda Rybakına 4 eıs jasap, 5 breık-poınttyń úsheýin paıdalandy.

Elena Rybakına júlde qory 1,7 mln AQSh dollarynan asatyn dodanyń shırek fınalyna shyǵý úshin álemniń 30-raketkasy, belgııalyq Elıza Mertens nemese reıtıngide 44-oryndaǵy amerıkalyq Sloan Stıvenspen talasady.

Eske sala keteıik, budan buryn Elena Rybakınanyń jańa jyldaǵy alǵashqy matchyn ótkizetinin jazǵan bolatynbyz.

Sondaı-aq Anna Danılına Jańa Zelandııadaǵy jarystyń jartylaı fınalyna shyqty.

Aleksandr Nedovesov Brısben týrnıriniń shırek fınalyna joldama aldy.