Elena Rybakına jaraqaty týraly aıtyp berdi

<p>ASTANA. KAZINFORM &ndash; Qazaqstannyń birinshi, álemniń 7-raketkasy Elena Rybakına Aýstralııa ashyq chempıonatynda úshinshi aınalymdaǵy oıynnan keıin óziniń jaraqaty týraly aıtty.</p>

Qazaqstandyq tennısshi álemniń 33-raketkasy, ýkraınalyq Daıana ıAstremskaıamen ótken match barysynda belindegi jaraqatqa baılanysty úsh ret medıtsınalyq kómekke júgindi.

– Shynymdy aıtsam, básekeniń qalaı bitetinin bilgen joqpyn. Jaraqattyń qaıdan bolǵany belgisiz. Bul ońaıǵa túspedi. Uzaq oınaý aýyr tıetinin túsindim, sondyqtan belsendirek qımyldap, keıde táýekelge barýǵa týra keldi. Matchtyń nátıjesi meniń paıdama sheshilgenine shynymen qýanyshtymyn.

– Qazir ózińdi qalaı sezinesiń? Bári qalypty ma?

– Bári qalypqa túse qoıǵan joq. Fızıoterapevtim maǵan kómektesedi dep úmittenemin, - dedi E.Rybakına matchtan keıin.

Qazaqstandyq tennısshiniń jaraqatyna baılanysty ótken jyly Parıj Olımpıadasyna qosa AQSh ashyq chempıonaty, Seýl, Beıjiń sııaqty iri jarystarǵa qatysýdan bas tartqany belgili.

Eske sala keteıik, budan buryn Aýstralııa ashyq chempıonatynda ıÝlııa Pýtıntsevanyń álemniń 10-raketkasyna jol bergenin jazǵan bolatynbyz.

Elena Rybakına tórtinshi aınalymǵa shyqty.