Elena Rybakına jańa bapkermen birge maýsymǵa daıyndyqty bastady

<p>ASTANA. KAZINFORM &mdash; Qazaqstannyń birinshi, álemniń 6-raketkasy Elena Rybakına Dýbaıda (BAÁ) jattyǵyp jatyr.</p>

Fızıoterapevt Stefan Dıýel Instagram áleýmettik jelisinde fotosýretti jarııalady.
Onda Elena Rybakına óz komandasymen birge beınelengen. Onyń ishinde horvatııalyq bapker Goran Ivanıshevıch te bar.

Qazaqstandyq tennısshi bes jyl boıy horvatııalyq Stefano Výkovpen birge jattyǵyp, onymen qarym-qatynasty bıylǵy tamyz aıynda úzgen bolatyn. 

Sodan keıin osyǵan deıin serbııalyq, «Úlken dýlyǵa» týrnıriniń 24 dúrkin chempıony Novak Djokovıchti jattyqtyrǵan G.Ivanıshevıchpen kelisimge kelgen edi. 

Elena Rybakına aldaǵy jyly 12-26 qańtar aralyǵynda ótetin Aýstralııa ashyq chempıonatynda tabysty óner kórsetýge bel baılap otyr. 

Qazaqstandyq tennısshi 29 jeltoqsan – 5 qańtarda bolatyn Brısben (Aýstralııa) WTA 500 týrnırine bul joly qatyspaıdy. Ótken maýsymda osy jarysta E.Rybakına chempıon atanǵan edi.

Eske sala keteıik, budan buryn Goran Ivanıshevıchtiń Elena Rybakınany bapkeri bolǵanyn jazǵan edik.