ASTANA. KAZINFORM – Qazaqstannyń birinshi, álemniń 5-raketkasy Elena Rybakına jańa bapkeri Davıde Sangvınettıdiń bolatynyn jarııa etti.
Italııalyq maman buryn reseılik Dınara Safına jáne amerıkalyq Brendon Nakashımamen jumys istegen.
- Men onymen bir apta ázirlik jasadym, sál-pál Stefanomen jumys istedim. Davıdeni buryn azdap biletin edim. Ol bos boldy, ózimen burynnan tanys Výkovpen keıde baılanys jasap turatyn. Ári qaraı qalaı bolatynyn kóremiz. Ázirge jumysymyzǵa kóńilim tolady, - dedi Rybakına.
2024 jyly E.Rybakına horvatııalyq Stefano Výkovpen qosh aıtysqan bolatyn. Keıin taǵy bir horvatııalyq bapker Goran Ivanıshevıchpen kelisimge keldi. Osy jyl basynda qazaqstandyq tennısshi S.Výkovty komandasyna qaıta qosty.
Ótken aıda E.Rybakına men G.Ivanıshevıch qarym-qatynasty toqtatty.
Qazaqstandyq tennısshi osy aptada Ábý-Dabı (BAÁ) WTA 500 týrnırinde ótken jylǵy chempıondyq ataǵyn qorǵaıdy.
Eske sala keteıik, budan buryn tennısten Elena Rybakınanyń bapkersiz qalǵanyn jazǵan edik.
Ábý-Dabı týrnırinde Rybakına men Pýtıntseva baq synaıdy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).