Elena Rybakına Rolan Garros týrnıriniń úshinshi aınalymyna ótti

<p>PARIJ. KAZINFORM &ndash; Qazaqstannyń birinshi, álemniń 4-raketkasy Elena Rybakına Parıjde ótip jatqan Rolan Garros týrnıriniń úshinshi kezeńine shyqty.&nbsp;</p>

Otandasymyz ekinshi aınalymda dúnıejúzilik reıtıngide 50-orynda turǵan nıderlandylyq Arancha Rýspen betpe-bet keldi. Osyǵan deıin qarsylastar eki ret kezdesip, bir-birden jeńiske jetken edi.

Bul joly birinshi partııada Rybakına 6:3 esebimen basym tústi. Ekinshi sette Rýs 4:2 esebimen alǵa ketkenimen, budan keıin Elena oıyndaǵy basymdyqty tolyq qolyna ala bildi. Esep – 6:4. 

Bir saǵattan astam ýaqytqa sozylǵan báseke barysynda Rybakına 8 eıspen birge 4 breık-poınttyń úsheýin paıdalandy. Rýs 1 eıs, 1 breıkpen (3 breık-poınt) shekteldi.

Endi Elena tórtinshi aınalymǵa ótý úshin álemniń 27-raketkasy, belgııalyq Elıze Mertens nemese reıtıngide 81-satydaǵy horvatııalyq Petra Martıchtiń qaı jeńgenimen talasady.

Eske sala keteıik, budan buryn Dmıtrıı Popkonyń Italııadaǵy jarysty sátti bastaǵanyn jazǵan edik.