Elena Rybakına Olımpıada oıyndaryna qatyspaıtyn boldy

<p>ASTANA. KAZINFORM — Qazaqstannyń birinshi raketkasy Elena Rybakına Olımpıada oıyndaryna qatyspaıdy. Bul jaıynda <a href="https://www.sports.kz/news/elena-ryibakina-ofitsialno-snyalas-solimpiadyi-vparije" target="_blank" rel="noopener">Sports.kz</a> jazdy. </p>

Tennısshi bul joly jarystan tys qalýdy jón dep sheshken. 

Onyń esimin Olımpıadanyń resmı saıtynda jekeleı syndaǵy jáne mıkstegi setkadan alyp tastaǵan.

Jekeleı synda Qazaqstannyń úzdik tennısshisin avstralııalyq Darıa Sevıll almastyrdy.

Al mıkste ol Aleksandr Býblıkpen jup quraıtyn edi. 

Aıta ketsek, Elena Rybakınanyń sońǵy qatysqan jarysy Ýımbldon boldy. Bul jarysta ol jartylaı fınalǵa deıin jetti.

Osy oıynda ol chehııalyq tennısshi Barbora Kreıchıkovaǵa 6:3, 3:6, 4:6 esebimen jol berdi.

Eske sala keteıik, búgin Rolan Garros stadıonynda tennısten Parıj Olımpıadasynyń jerebesi tartylyp, tennısshilerimizdiń birinshi aınalymdaǵy qarsylastary anyqtalǵan edi. 

Jekeleı synda elimizdiń birinshi raketkasy Elena Rybakına alǵashqy aınalymda Rýmynııa tennısshisi Krıstıan Jaklınmen oınaıtyn bolǵan. 

Budan buryn Parıj Olımpıadasyndaǵy tennıs týrnırinde aralas synda (mıkst) Qazaqstan atynan Elena Rybakına men Aleksandr Býblık baq synaıtynyn jazǵan bolatynbyz.