Elena Rybakına Madrıdke keldi: Men ózime senemin

<p>ASTANA. KAZINFORM &mdash; Ótken aptada Shtýtgart WTA 500 týrnıriniń jeńimpazy atanǵan Qazaqstannyń birinshi, álemniń 4-raketkasy Elena Rybakına Ispanııa astanasy Madrıd qalasyna kelip, jattyǵýǵa kiristi. Madrıd WTA 1000 jarysynda baq synaıtyn qazaqstandyq tennısshi óz oı-tolǵamymen bólisti.</p>

Elena Rybakına Shtýtgarttaǵy jeńisine óte qýanyshty ekendigin jetkizdi.

Onyń sózine qaraǵanda, doda barysynda úsh setke sozylǵan matchtar ońaıǵa túsken joq. Ásirese, jartylaı fınalda álemniń 1-raketkasy Iga Shventekpen oıyn óte qıynǵa soqty. Degenmen tennısshi fınal aldynda qalpyna kele alǵan. 

«Sheshýshi básekege tas-túıin jınala bildim. Sonyń arqasynda avtomobıldi de qosa utyp aldym. Shynymdy aıtsam, Shtýtgart týrnıri aldynda pálendeı eshteńe kútken joqpyn. Topyraq tósenishindegi kortta daıyndyq uzaq bolmaǵandyqtan, barynsha kóbirek match ótkizýge tyrystym. Endi Shtýtgarttaǵy jeńis maǵan kúsh berdi. Qalǵan topyraq tósenishindegi maýsymdy joǵary deńgeıde ótkizemin dep úmittenemin. Madrıdke ushyp kelip, jattyǵýǵa kiristim. Mundaǵy maqsatym týraly aıtsam, men árqashan da ózime senemin. Árıne, barlyǵy maǵan baılanysty emes, jarysta kóptegen myqty tennısshiler óner kórsetedi. Biraq men ózimdi erkin sezinemin, denim saý, daıyndyǵym jaqsy», dedi E.Rybakına.

Eske sala keteıik, budan buryn Madrıd masters týrnırinde Elena Rybakına men ıÝlııa

Pýtıntsevanyń baq synaıtynyn jazǵan bolatynbyz.

Sondaı-aq Dmıtrıı Popko AQSh-taǵy jarystyń 1/8 fınalyna shyqty.