ASTANA. KAZINFORM — Qazaqstannyń birinshi, álemniń 3-raketkasy Elena Rybakına Aýstralııa chempıonatyndaǵy jeńisi arqasynda biregeı nátıjege qol jetkizdi.
Tennis Up to Date saıtynan málim etkenindeı, E.Rybakına qarasha aıynan bergi merzimde 7 mln 996 myń 892 dollar (4 mlrd 48 mln teńgeden astam) tabys tapty.
Budan buryn dál osyndaı qysqa ýaqyt ishinde eshkim mundaı kórsetkishke jetpegen edi.
Bul serııa ótken jylǵy WTA qorytyndy týrnırinen bastaldy. Onda birde-bir ret jeńilmegen Rybakına 5 235 myń dollar tabys tapqan bolatyn, bul da rekord edi.
Jańa jyldy Brısbendegi (Aýstralııa) jarystan bastaǵan Elena onda shırek fınalǵa deıin jetti. Osy úshin 37,460 myń dollar aldy.
Al Aýstralııa ashyq chempıonatyndaǵy chempıondyq ataǵy úshin qazaqstandyq tennısshiniń úlesine 2 mln 724,432 myń dollar tıdi.
Osylaısha, Rybakına qysqa merzimde úsh týrnırde 8 mln-ǵa jýyq tabys tapty.
Eske sala keteıik, budan buryn Karlos Alkarastyń barlyq «Úlken dýlyǵa» týrnırin utqan eń jas tennısshi atanǵanyn jazǵan edik.
Sondaı-aq qazaqstandyq tennısshiler Aýstralııadaǵy týrnırden keıin reıtıngidegi oryndaryn jaqsartty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).