Elena Rybakına Indıan-Ýells týrnırine nege qatyspaǵanyn túsindirdi

<p>ASTANA. KAZINFORM - Qazaqstannyń birinshi, álemniń 4-raketkasy Elena Rybakına Indıan-Ýells WTA 1000 týrnırine qatysýdan nege bas tartqanyn túsindirdi.</p>

Qazaqstandyq tennısshi atalmysh jarysta densaýlyǵyna baılanysty oınaı almaıtynyn aıtty.

«Bıyl densaýlyq máselesine baılanysty Indıan-Ýells týrnırine qatysa almaıtynymdy úlken ókinishpen habarlaımyn. Jaqyn adamdarym bul jarystyń men úshin qanshalyqty mańyzy zor ekendigin, byltyrǵy chempıondyq ataǵymdy qorǵaǵym kelgenin biledi. Meni qoldaýǵa kelgen barlyq jankúıerlerime rızashylyǵymdy bildiremin. Olardyń bıyl meniń oıynymdy kóre almaıtyny ókinishti. Endi men kortqa qaıta oralý úshin demalyp, qalpyma kelemin», dedi Rybakına.

Eske sala keteıik, budan buryn ıÝlııa Pýtıntsevanyń Indıan-Ýells týrnıriniń úshinshi aınalymyna shyqqanyn jazǵan bolatynbyz.

Sondaı-aq Aleksandr Býblık Indıan-Ýells masters jarysynyń kelesi aınalymyna ótti.