Elena Rybakına Goran Ivanıshevıchpen birge birneshe iri tabysqa jetýi múmkin – Novak Djokovıch

<p>ASTANA. KAZINFORM &ndash; Álemniń eks 1-raketkasy, &laquo;Úlken dýlyǵa&raquo; týrnıriniń 24 dúrkin chempıony Novak Djokovıch óziniń burynǵy bapkeri Goran Ivanıshevıchtiń Elena Rybakınany jattyqtyrýyna baılanysty pikirin bildirdi.</p>

Qazirgi kezde Brısben (Aýstralııa) ATP 250 týrnırine qatysyp jatqan serbııalyq tennısshi ózine Elena Rybakınanyń oıyny unaıtynyn málimdedi.

- Goran menimen birge jumys istegen kezde biz Rybakınanyń ónerin ynta qoıyp qaraıtynbyz. Sondyqtan ekeýiniń birge bolatynyna qýanyshtymyn. Goran onyń oıynyna oń áserin tıgizip, tabysqa jeteleıdi dep úmittenemin. Osyǵan deıin-aq Elena «Úlken dýlyǵa» týrnırin utyp aldy, munyń qandaı ekenin biledi. Onyń budan da bıik tabysqa jetkisi keletini anyq. Men onyń maýsymdy birneshe jeńispen bastaǵanyn kórdim. Sondyqtan men oǵan barlyq jaqsyny tileımin. Jýyrda men Goranmen habar alystym. Menińshe, WTA aıasynda jumys istep kórgen joq. Men onyń kóńil-kúıin suradym. Bapker erler tennısine qaraǵanda, aıyrmashylyq bar ekenin moıyndady. Biraq Elenaǵa kómek kórsetýge asa yqylasty. Men ekeýi birneshe iri tabysqa jetedi dep úmittenemin,— dedi Djokovıch Brısbendegi baspasóz máslıhatynda.

Eske sala keteıik, budan buryn United Cup týrnırinde Elena Rybakınanyń Germanııamen matchta Qazaqstandy alǵa shyǵarǵanyn jazǵan bolatynbyz.

Sondaı-aq Qazaqstan alǵash ret United Cup týrnıriniń jartylaı fınalyna ótti.