Elena Rybakına eki aıda bes ret WTA týrnıriniń shırek fınalyna shyqty

<p>ASTANA. KAZINFORM &ndash; Qazaqstannyń birinshi, álemniń 4-raketkasy Elena Rybakına jańa maýsymnyń alǵashqy eki aıynda bes ret WTA týrnıriniń shırek fınalyna shyqqan. Qazaqstandyq sportshy sońǵy on jylda osyndaı nátıjege qol jetkizgen úshinshi tennısshi atandy.</p>

Budan buryn ıspanııalyqtar Karla Sýares-Navarro (2015) jáne Garbıne Mýgýrýsa (2020) sondaı kórsetkishpen kózge túsken bolatyn.

Bıylǵy maýsymda Elena Rybakına Brısben (Aýstralııa) men Ábý-Dabıde (BAÁ) chempıon atansa, Adelaıdede (Aýstralııa) shırek fınalda utyldy.

Al Doha (Qatar) WTA 1000 jarysynyń fınalyna deıin jetti.

21 aqpanda E.Rybakına Polsha ókili Magdalena Frenhti utyp, Dýbaı WTA 1000 dodasynyń shırek fınalyna ótti. 

Bıyl qazaqstandyq tennısshi barlyǵy 20 kezdesý ótkizip, sonyń 17-sinde jeńiske jetti.

Eske sala keteıik, budan buryn Elena Rybakınanyń Dýbaıda 13 eıs jasap, shırek fınalǵa shyqqanyn jazǵan edik.

Sondaı-aq Aleksandr Býblık Doha ATP 250 týrnıriniń shırek fınalyna ótti.