Elena Rybakına Dýbaı WTA 1000 týrnırinde 1/8 fınalǵa ótti

<p>DÝBAI. KAZINFORM &ndash; Qazaqstannyń birinshi, álemniń 4-raketkasy Elena Rybakına Dýbaı WTA 1000 týrnıriniń 1/8 fınalyna ótti.&nbsp;</p>

Jarysty ekinshi aınalymnan bastaǵan 24-tegi qazaqstandyq tennısshi ózinen 10 jasqa úlkendigi bar, kezinde álemdik reıtıngide kósh bastaǵan, qazir 27-orynda turǵan Belarýs ókili Vıktorııa Azarenkomen synǵa tústi.

Osyǵan deıin qarsylastar ózara eki ret kezdesip, sonyń ekeýinde de E.Rybakına basym túsken edi.

Bul joly birinshi partııada esep 2:2 bolǵan mezette Azarenko breıkpen alǵa shyqty – 4:2. Osy basymdylyq oǵan jetkilikti boldy – 6:4.

Ekinshi sette esesine Rybakına 4:2 esebimen alǵa ketip, taǵy bir breıkpen bitirdi – 6:2.

Budan keıin V.Azarenko medıtsınalyq kómekke júginip, jaraqatyna baılanysty matchty jalǵastyrýdan bas tartty.

Bir saǵat 15 mınýtqa sozylǵan básekede E.Rybakına 4 eıs jasap, 5 breık-poınttyń ekeýin paıdalanyp úlgerdi. V.Azarenko 1 breıkpen shekteldi.

Elena Rybakına shırek fınalǵa shyǵý úshin álemniń 53-raketkasy, Polsha ókili Magdalena Freshpen talasady. Ol ekinshi aınalymda reıtıngide 61-satydaǵy horvatııalyq Petra Martıchten aılasyn asyrdy – 6:4, 1:6, 6:2.

Bir qyzyǵy, M.Fresh irikteý saıystarynyń fınalynda taǵy bir qazaqstandyq ıÝlııa Pýtıntsevanyń jolyn bógep, negizgi týrnırge ótken edi.

Búgin Dýbaıda kútpegen nátıje tirkeldi. Álemniń 2-raketkasy, belorýssııalyq Arına Sobolenko reıtıngide 31-oryndaǵy horvatııalyq Donna Vekıchten jeńilip qaldy – 7:6, 3:6, 0:6.

Eske sala keteıik, budan buryn Dmıtrıı Popkoynyń AQSh-ta ekinshi ret qatarynan ITF jarysynyń jeńimpazy atanǵanyn jazǵan bolatynbyz.