Elena Rybakına Dohada qarsylasyn oısyrata utyp, 1/8 fınalǵa ótti

<p>ASTANA. KAZINFORM &ndash; Qazaqstannyń birinshi, álemniń 4-raketkasy Elena Rybakına Doha (Qatar) WTA 1000 týrnıriniń úshinshi aınalymyna ótti.</p>

Jarystyń 3-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 57-orynda turǵan qytaılyq Chjý Lınmen oınady.

Osyǵan deıin qarsylastar ózara eki ret kezdesip, bir-birden jeńiske jetken edi. 2019 jyly Aýstralııa ashyq birinshiliginde qytaılyq sportshy 6:2, 6:4 esebimen utsa, keıin sol jyly qyrkúıekte E.Rybakına Ýhanda (Qytaı) qarymta qaıyrdy – 7:5, 2:6, 6:0.

Bul joly Elena matchty birden breıkpen bastady – 2:0. Sodan keıin setti taǵy bir breıkpen bitirdi – 6:2.

Ekinshi partııa da osylaı órbidi – 3:0. Taǵy bir breık – 5:1. Matchqa dop bergende de qınalǵan joq – 6:1.

Bir saǵatqa jetpeıtin ýaqyt ishinde E.Rybakına 7 eıspen birge 7 breık-poınttyń tórteýin múlt jibergen joq.

Minbeden E.Rybakınany óz komandasy ǵana emes, Qazaqstan Týyn kótergen jankúıerler de qoldap otyrdy.

Elena Rybakına júlde qory 3,2 mln AQSh dollarynan asatyn jarystyń shırek fınalyna shyǵý úshin álemniń 23-raketkasy, amerıkalyq Emma Navarromen talasady.

Elena Rybakına ótken jyly Doha dodasyna qatyspaǵan eken. Bıyl munda qazirdiń ózinde kútpegen nátıjeler bolyp jatyr. Mysaly, álemniń úshinshi, altynshy jáne 9-raketkalary, amerıkalyq Korı Gaýff, týnıstik Ons Jaber, grekııalyq Marııa Sakkarı ekinshi aınalymda-aq jarys jolynan shyǵyp qaldy.

Eske sala keteıik, budan buryn Aleksandr Býblıktiń Rotterdamda 12 eıs jasap, ekinshi aınalymǵa ótkenin jazǵan bolatynbyz.

Sondaı-aq Jibek Qulambaeva Taılandtaǵy týrnırdiń shırek fınalyna shyqty.

Tennısten Rotterdam týrnırinde Aleksandr Shevchenko qytaılyq qarsylasyn kambekpen utty.