ASTANA. KAZINFORM - Qazaqstannyń birinshi, álemniń 4-raketkasy Elena Rybakına Doha (Qatar) WTA 1000 týrnıriniń fınalyna shyqty.
Qazaqstandyq tennısshi jartylaı fınalda álemniń 32-raketkasy, reseılik Anastasııa Pavlıýchenkovamen sheberlik baıqasty.
Osyǵan deıin qarsylastar 2021 jyly Rolan Garros jarysynyń shırek fınalynda kezdesip, onda reseılik sportshy basym túsken edi.
Bul joly Elena sonyń esesin qaıyryp, 6:2, 6:4 esebimen jeńiske jetti.
Saǵat jarymǵa sozylǵan báseke barysynda Rybakına 3 eıspen birge 6 breık-poınttyń tórteýin paıdalandy. A.Pavlıýchenkova 2 eıs, 1 breıkten asa almady.
Elena Rybakına fınalda álemniń 1-raketkasy, Polsha ókili Iga Shventekpen bas júldeni sarapqa salady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).