Elena Rybakına Brısben týrnıriniń fınalyna shyqty

<p>Qazaqstannyń birinshi, álemniń 4-raketkasy Elena Rybakına Brısben (Aýstralııa) WTA 500 týrnıriniń fınalyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jarystyń 2-raketkasy bolyp tirkelgen qazaqstandyq tennısshi jartylaı fınalda dúnıejúzilik reıtıngte 40-orynda turǵan 19 jastaǵy chehııalyq Lında Noskovamen sheberlik baıqasty.

Osyǵan deıin qos tennısshi ótken jyly Frantsııa ashq chempıonatynda kezdesip, onda E.Rybakına 6:3, 6:3 esebimen jeńgen edi.

Bul joly birinshi partııany qazaqstandyq sportshy qarqyndy bastady — 3:0. Sol basymdylyǵynan set bitkenshe aıyrylǵan joq — 6:3.

Ekinshi sette esep 1:1 bolǵan mezette Rybakına breıkpen alǵa shyqty. Sodan keıin taǵy bir breık jasap, matchty jeńispen túıindedi — 6:2.

Bir saǵat 5 mınýtqa sozylǵan báseke barysynda Elena 8 eıs jasap, 5 breık-poınttyń úsheýin múlt jibergen joq. L.Noskova 1 eıspen shekteldi.

Elena Rybakına fınalda qos belorýssııalyq, álemniń 2-raketkasy Arına Sobolenko nemese reıtıngte 23-satydaǵy Vıktorııa Azarenkonyń bireýimen bas júldeni sarapqa salady.

Eske sala keteıik, budan buryn Elena Rybakınanyń Brısben týrnıriniń jartylaı fınalyna shyqqanyn jazǵan bolatynbyz.

Sondaı-aq Devıs kýboginde Qazaqstannyń Argentınaǵa qarsy oınaıtyn quramy anyqtaldy.