Elena Rybakına Beıjińde álemniń birinshi raketkasymen oınaıdy

<p>Qazaqstannyń birinshi, álemniń 5-raketkasy Elena Rybakınanyń Beıjiń WTA 1000 týrnırinde shırek fınaldaǵy qarsylasy anyqtaldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Álemniń birinshi raketkasy, Belarýs ókili Arına Sobolenko úshinshi aınalymda reıtıngte 36-orynda turǵan ıtalııalyq ıAsmın Paolınımen kezdesti.

Saǵat jarymǵa jýyq ýaqytqa sozylǵan matchta A.Sobolenko 6:4, 7:6 (7:4) esebimen utty.

Osylaısha Arına jartylaı fınalǵa shyǵý úshin Elenamen talasady.

Buǵan deıin qarsylastar bes ret kezdesip, sonyń tórteýinde Sobolenko aılasyn asyrǵan edi.

Sonyń ishinde bıyl Aýstralııa ashyq chempıonatynyń fınalynda belorýssııalyq tennısshi basym tússe, keıin Tsıntsınnatı masters jarysynda Rybakına qarymta qaıyrdy. 

Eske sala keteıik, budan buryn Elena Rybakınanyń Beıjińde 16 jasar reseılik tennısshini jeńip, shırek fınalǵa shyqqanyn jazǵan bolatynbyz. 

Sondaı-aq Mıhaıl Kýkýshkın Shanhaı masters jarysynyń ekinshi aınalymyna ótti.  

Beıbit Juqaev Shanhaı masters jarysynyń ekinshi aınalymyna joldama aldy.