Elena Rybakına baıyrǵy qarsylasyn jeńip, Brısben týrnıriniń jeńimpazy atandy

<p>Qazaqstannyń birinshi, álemniń 4-raketkasy Elena Rybakına Brısben (Aýstralııa) WTA 500 týrnıriniń jeńimpazy atandy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq tennısshi fınalda óziniń basty qarsylastarynyń biri, álemniń 2-raketkasy, Belarýs ókili Arına Sobolenkomen bas júldeni sarapqa saldy.

Birinshi partııada Elena bet qaratpady — 6:0.

Ekinshi sette de 2:0 esebimen alǵa shyqty. Aqyry matchty jeńispen túıindedi — 6:3.

Bir saǵattan astam ýaqytqa sozylǵan matchta E.Rybakına 7 eıs jasap, 7 breık-poınttyń beseýin paıdalana bildi.

A.Sobolenko 3 eıs, 1 breıkpen shekteldi.

Osylaısha Elena Rybakına jańa jyldaǵy alǵashqy jarysynda chempıon atandy.

Eske sala keteıik, budan buryn Elena Rybakınanyń Brısbende Arına Sobolenkomen oınaıtynyn jazǵan bolatynbyz.

Sondaı-aq ıÝlııa Pýtıntseva Hobartta negizgi týrnırge joldama aldy.