Elena Rybakına bastaǵan tennısshiler álem chempıonatynda Qazaqstan namysyn qorǵaıdy

<p>Ispanııanyń Sevılıa qalasynda 7-12 qarashada ótetin Bıllı Djıng Kıng kýbogi &ndash; komandalyq álem chempıonatynyń toptyq kezeńine qatysatyn Qazaqstan áıelder quramasy anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

Qazaqstan tennıs federatsııasynan málim etkenindeı, ıAroslava Shvedova bastaǵan bapkerler quramy myna oıynshylarǵa senim artty.

Atap aıtqanda, álemniń 5-raketkasy Elena Rybakına, sondaı-aq ıÝlııa Pýtıntseva (WTA, 68-raketka), Anna Danılına (juptyq synda 32-raketka), Jibek Qulambaeva (juptyq synda 154-raketka) jáne Arýjan Saǵyndyqova (jekeleı synda 743-raketka) tańdalyp alyndy.

Qazaqstan quramasy V tobynda Bıllı Djın Kıng kýboginiń jeti márte jeńimpazy Aýstralııa jáne Slovenııa komandasymen oınaıdy.
Toptyq kezeńde Qazaqstannan basqa ótken jylǵy chempıon Shveıtsarııa, Aýstralııa, Frantsııa, Kanada, Chehııa, Italııa, AQSh, Ispanııa, Slovenııa, Germanııa jáne Polsha quramasy baq synaıdy.

Eske sala keteıik, budan buryn Qazaqstannan eki birdeı jas tennısshiniń TOP-100 qataryna kirgenin jazǵan edik.