Elena Rybakına álemdik reıtıngide altynshy orynǵa túsip qaldy

<p>ASTANA. KAZINFORM &ndash; Áıelder tennısi qaýymdastyǵynyń (WTA) jańartylǵan reıtıngisinde Qazaqstannyń birinshi raketkasy Elena Rybakına altynshy orynǵa syrǵydy.</p>

Álemdik reıtıngte alǵashqy úshtikte ózgeris bolǵan joq. Belarýs ókili Arına Sobolenko kósh bastasa, polıak qyzy Iga Shventek pen Er-Rııadta ótken WTA qorytyndy týrnıriniń jeńimpazy, amerıkalyq Korı Gaýff ekinshi, úshinshi orynda tur. 

Qorytyndy jarysta fınalǵa deıin jetken qytaılyq Chjen Tsınven E.Rybakınany yǵystyryp, besinshi satyǵa kóterildi. 

Taǵy bir qazaqstandyq ıÝlııa Pýtıntseva 29-ornyn saqtap qaldy.

Juptyq synda Qazaqstannyń birinshi raketkasy Anna Danılına burynǵysha 22-inshi, ıÝ.Pýtıntseva 111-orynda tursa, Jibek Qulambaeva 150-den 157-ge syrǵydy.

Qazaqstan áıelder quramasy 16-17 qarashada Astanada Bıllı Djın Kıng kýbogynyń pleı-off matchynda Ońtústik Koreıamen kezdesedi.

Erler arasynda Kásibı tennısshiler qaýymdastyǵy (ATP) reıtıngisinde ıtalııalyq ıAnnık Sınner alda tursa, odan keıin germanııalyq Aleksandr Zverev pen ıspanııalyq Karlos Alkaras jaıǵasqan.

Qazaqstannyń birinshi raketkasy Aleksandr Býblık 34-ornynda qalsa, Aleksandr Shevchenko 64-ten 80-ge, Mıhaıl Kýkýshkın 108-den 113-ke tómendedi. Dmıtrıı Popko – 176, Tımofeı Skatov 195-orynda. 

Juptyq synda Aleksandr Nedovesov 54-ten 58-ge, A.Býblık 120-dan 122-ge tústi.

Eske sala keteıik, budan buryn jasóspirimder arasynda Devıs kýbogynda Qazaqstan quramasynyń qarsylastary anyqtalǵanyn jazǵan edik.