Elena Rybakına álemdik reıtıngide tórtinshi orynǵa kóterildi

<p>ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.</p>

Jekeleı synda alǵashqy úshtikte ózgeris bola qoıǵan joq.

Polsha ókili Iga Shventek kósh bastasa, belorýssııalyq Arına Sobolenko ekinshi, amerıkalyq Korı Gaýff úshinshi orynda tur.

Keshe Ábý-Dabı WTA 500 týrnırinde chempıon atanǵan qazaqstandyq Elena Rybakına amerıkalyq Djessıka Pegýlany yǵystyryp, tórtinshi satyǵa kóterildi. 

E.Rybakına Doha WTA 1000 jarysyn ekinshi aınalymnan bastap, qytaılyq Chjý Lınmen kezdesedi.

Dohada irikteý saıystarynan óte almaǵan ıÝlııa Pýtıntseva 69-dan 76-ǵa syrǵydy. 

Juptyq synda burynǵysha belgııalyq Elıze Mertens, taıbeılik Se Shýveı jáne aýstralııalyq Storm Hanter alda keledi.

Qazaqstandyqtardan Anna Danılına 44-ten 45-ke tómendese, Jibek Qulambaeva 143-te qaldy. ıÝ.Pýtıntseva 354-ten 356-ǵa yǵysyp, E.Rybakına 363-te tur. 

Anna Danılına juptyq synda ýkraınalyq Nadejda Kıchenokpen birge Doha dodasynda baq synaıdy.

Eske sala keteıik, budan buryn Elena Rybakınanyń Ábý-Dabı týrnıriniń jeńimpazy atanǵanyn jazǵan bolatynbyz.

Sondaı-aq Dmıtrıı Popko AQSh-taǵy jarystyń chempıony boldy.