ASTANA. KAZINFORM — Qazaqstannyń birinshi, álemniń 4-raketkasy Elena Rybakına AQSh-ta Indıan-Ýells WTA 1000 týrnıri qarsańynda alǵashqy jattyǵýyn ótkizdi.
Indıan-Ýellste 6-17 naýryz aralyǵynda erler men áıelder arasynda ótetin atalmysh masters jarysynyń jalpy júlde qory 17,9 mln AQSh dollary bolmaq. Bul ótken jylǵydan 2,2 paıyzǵa kóp.
Týrnır jeńimpazy 1 myń reıtıngilik upaıǵa qosa 1,1 mln dollar tabys tappaq. Fınalıstiń úlesine 585 myń dollar men 650 reıtıngilik upaı tıedi.
Ótken jyly sońǵy básekede Belarýs ókili Arına Sobolenkony 7:6 (13:11), 6:4 esebimen utqan E.Rybakına chempıon atanǵan bolatyn. Bıyl Elena sol chempıondyq ataǵyn qorǵaý úshin bar kúshin salady.
Qazirgi kezde Indıan-Ýellste irikteý saıystary ótip jatyr.
Eske sala keteıik, budan buryn Aleksandr Býblıktiń alǵash ret álemniń 20-raketkasy atanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).