Elena Rybakına Ábý-Dabıde «Úlken dýlyǵa» týrnıriniń tórt márte chempıonymen kezdesýi múmkin

<p>&nbsp; ASTANA. KAZINFORM &ndash; Qazaqstannyń birinshi, álemniń 5-raketkasy Elena Rybakına 5-11 aqpanda ótetin Ábý-Dabı WTA 500 týrnırinde baq synaıdy.</p>

Jarystyń birinshi raketkasy bolyp tirkelgen qazaqstandyq tennısshi dodany ekinshi aınalymnan bastaıdy.

E.Rybakına ekinshi aınalymda «Úlken dýlyǵa» týrnıriniń tórt dúrkin chempıony, japonııalyq Naomı Osaka nemese álemniń 71-raketkasy, amerıkalyq Danıel Kollınzdiń qaı jeńgenimen kezdesedi.

Kezinde dúnıejúzilik reıtıngide kósh bastaǵan, qazir 758-orynda turǵan N.Osaka sábıli bolýyna baılanysty alǵan úzilisten keıin kortqa qaıta oralǵan bolatyn. D.Kollınz de ońaı shaǵylatyn jańǵaq emes.

Atalmysh jarysta reıtıngide 6-satydaǵy týnıstik tennısshi Ons Jaber ekinshi raketka bolyp tirkelgen.

Áıelder tennısi qaýymdastyǵynyń (WTA) búgin jańartylǵan reıtıngisinde alǵashqy úshtikte ózgeris joq – Polsha ókili Iga Shventek, belarýstik Arına Sobolenko jáne amerıkalyq Korı Gaýff tur.

Elena Rybakına 5-orynda qalsa, ıÝlııa Pýtıntseva 70-ten 69-ǵa kóterildi.

Juptyq synda belgııalyq Elıze Mertens, taıbeılik Se Shýveı jáne aýstralııalyq Storm Hanter alda kele jatsa, qazaqstandyq Anna Danılına burynǵysha 44-satyda. Jibek Qulambaeva 142-den 143-ke, E.Rybakına 361-den 363-ke syrǵydy. ıÝ.Pýtıntseva 354-ornyn saqtap qaldy.

Eske sala keteıik, budan buryn Aleksandr Býblıktiń ekinshi ret Monpele týrnıriniń jeńimpazy atanǵanyn jazǵan bolatynbyz.

Sondaı-aq tennısten Devıs kýboginde Argentınamen matchta Tımofeı Skatov ekinshi jeńisine qol jetkizdi.

Qazaqstan tartysty matchta Argentınaǵa jol berdi.